इतर साहित्य

सुट्टीचे दिवस जसे येतात तसे जातात. कोणता दिवस सत्कारणी लागतो आणि कोणत्या दिवशी निव्वळ टाइमपास होतो. पण एखादा दिवस काहीही न ठरवता खूप छान जातो त्याचे विशेष अप्रूप वाटते. बरेच दिवस झाले लहानपणीचा मित्र ‘कृष्णाजी’ भेटला नव्हता. एक दिवस त्याने त्याच्या शेतात येण्याचे आमंत्रण देऊन घरी घ्यायला आला. मी विचार केला की 1-2 तास शेत बघून यावे. पण तिथे गेलो आणि संध्याकाळ आनंदात घालवून परतलो.
मग शेतात जात असतानाच आमच्या गप्पा सुरू झाल्या. आस्थेने केलेली विचारपूस मेडिकलच्या १० गोळ्या पेक्षा गुणकारी असतात. आमच्या गप्पा शेत बघत-बघत चालू होत्या. नोकरी कशी सुरू आहे? करोना काय म्हणतोय? असे विषय येत होते आणि रेल्वेच्या डब्या प्रमाणे मागे पडत होते. त्याचे माझे शेत बघून झाले पण गप्पा काही संपल्या नाहीत. शेतात काय – काय सुविधा आहेत आणि काय पेरले आहेत हे सांगताना त्याला स्फुरण चढत होते.