कविता: निरोप — हिरकणी 🚗
नऊ वर्षे एक महिना, साथ तुझी लाभली,
आठवणींच्या रस्त्यावर, सोबत तुझीच चालली।
पहिल्या दिवसाची ती भेट, आजही मनात ताजी आहे,
तुझ्या स्टेअरिंगवर ठेवलेला हात, आजही मनात साठवून राहे|
कधी उन्हात, कधी पावसात, कधी धुक्याच्या वाटेवर,
कधी सुखाच्या क्षणी सोबत, कधी दुःखातही होतीस बरोबर।
कितीतरी प्रवास पाहिलेस, कितीतरी स्वप्ने दाखवलेस,
घरातून निघताना आनंद, परतीच्या वाटेवर समाधान दिलेस।
तुझ्या चाकांनी फक्त रस्ते नव्हे, आमच्या आठवणीही पार केल्या,
कितीतरी हसू, कितीतरी क्षण, मनाच्या कप्प्यात साठवून ठेवल्या।
तू होतीस म्हणून प्रवासाला, एक वेगळीच नवलाई होती
तू फक्त गाडी नव्हतीस माझी, तू घरातीलच एक सदस्य होतीस।
‘हिरकणी’ नाव दिलं तुला, कारण तूही तशीच खास होतीस,
इतिहासातील हिरकणीसारखी, आमच्या आयुष्यात अमूल्य आहेस।
आज तुझी चावी दुसऱ्या हातात, आणि आमची वाट वेगळी झाली,
पण मनाच्या पार्किंगमध्ये मात्र, तुझी जागा कायमची राहिली।
नवा मालक, नवे रस्ते, नव्या प्रवासाची नवी कहाणी,
तुझ्या प्रत्येक वाटेवर असो, आनंदाची सुंदर निशाणी।
निरोप तुला, माझ्या हिरकणी, डोळ्यांत आज थोडे पाणी,
नऊ वर्षे एक महिना सोबत दिल्याबद्दल, धन्यवाद हिरकणी। 🚗
Views: 0