निरीक्षण

अलीकडच्या काळात वेब सिरिज म्हणजे अतिरंजित कथा, अति भडक मारामारी, आणि अति भडक दृश्ये असे समीकरण बनले होते. पण या सगळ्यांना छेद देणारी नवीन वेब सिरिज म्हणजे SCAM 1992 आली आहे. IMdB या संकेतस्थळा वर ९.५ मानांकन असलेली एकमेव भारतीय वेब सिरिज आहे. त्यामुळे ही सिरिज बघायचीच असे ठरवले.

“हंसल मेहता” यांनी अगोदर दर्जेदार चित्रपट बनवले आहेत. Scam १९९२ ही जबरदस्त कथा, प्रभावी पटकथा, आणि उच्च उत्पादन दर्जा, आणि कलाकाराची अतिशय योग्य निवड आणि पार्श्वसंगीताचा अत्यंत हुशारीने वापर, कथेवर घेतलेले परिश्रम, दमदार पटकथा, दिग्दर्शकाची कथेवरील पकड या सगळ्यामुळे हंसल मेहता भाव खाऊन जातात. त्यांनी हर्षद मेहता या पात्रा साठी प्रतीक गांधी नावाचा हिरा शोधून काढला आहे.