कविता – माय मराठी

माय मराठीचा बोलण्यात गोडवा
शब्द जणू शीतल हवेचा गारवा

बोली भाषेची गोष्टच न्यारी
जणू तुळस आपल्या दारी

बारा कोसाला भाषा बदलते
माय मराठी सर्वांना जोडते

संतांनी गायिले मराठीचे रंग रूप
अलंकारांनी नटले सोज्वळ स्वरूप

प्राण मराठी जाण मराठी उल्हास मराठी
महाराष्ट्राचा ज्वाजल्य अभिमान मराठी

माय मराठी आम्हा सर्वांचीच आई
सगळ्या लेकरांना अलगद कवेत घेई

मराठी अस्मिता मराठी मान मराठी शान
मराठी म्हणजे शब्द अनं आभूषणाची खाण

मराठी भाषा दिनाच्या हार्दिक शुभेच्छा!!!

मराठी भाषा दिनाच्या हार्दिक शुभेच्छा!!!

माय मराठी